"Su 2 de Maju de su 2014 at torrau a abèrriri s'ULS Sarcidanu-Barbàgia de Seulu, isportellu linguìsticu subracomunali chi serbit 10 comunus de su territòriu cun unu servìtziu de promotzioni e valorizatzioni de sa lìngua sarda in s'aministratzioni pùblica e in sa sotziedadi intrea. Is atividadis pertocant, comente sèmpiri, sa furriadura de documentus e comunicatzionis ufitzialis in bessida de is comunus, sa consulèntzia linguìstica po utentis pùblicus e privaus, s'organizatzioni de cursus de lìngua sarda po is dipendentis e atòbius po genti manna e po pipius. Ocannu puru, ant a èssiri pròpriu is pipius a tènniri sa mellus parti in is obietivus de su servìtziu linguìsticu, chi at a organizai po issus laboratòrius e atividadis intre ispàssiu e connoscèntzia, cun sa punna de agiudai is famìllias a torrai a umperai su sardu in sa comunicatzioni de ònnia dia. S'isportellu est finantziau de sa Lei 482/1999 po is minorias linguìsticas de s'Istadu Italianu e est gestiu de sa Sotziedadi Cooperativa "L'Altra Cultura" de Aristanis."

Allegati:
Scarica questo file (oràriu maju 2014.pdf)Orario[Orario]90 Kb