Ufìtziu de sa Lìngua Sarda
Su Sportellu Linguìsticu Comunali est ativu in Ìsili de su 7 de austu de su 2006 gràtzias a is finantziamentus de sa Lei 482/99 “Norme in materia di tutela delle minoranze linguistiche storiche” po s’annualidadi 2003, e at sighiu is atividadis in is annus infatu, fintzas a oi. De sa metadi de su mesi de abrili de su 2011 at cumentzau a traballai impari cun is comunus de Biddanoa 'e Tulu, Geroni, Nuradda, Nuragus, Scalepranu e Serri. De su 27 de maju de su 2013 su progetu s'est ammanniau cun is comunus de Sàdili, Seulu e Stersili.
Oràrius de traballu po su comunu de Isili:
Su mèrcuris a merì de is 15.00 a is 19.00 - Biblioteca comunali
Sportello Linguistico "Sarcidano-Barbagia di Seulo"
Su chi fait su sportellu linguìsticu (o Ufìtziu po sa Lìngua Sarda) est su de assegurai s’umperu de sa lìngua, iscrita e fueddada, in sa relatzioni intra de is tzitadinus e de s’aministratzioni pùblica, e de favorèssiri is atividadis chi giuant a sa lìngua e chi agiudant a sa cultura de minoria, segundu is leis chi balint po custu iscopu.
Intra de is servìtzius chi garantit s’Ufìtziu po sa Lìngua Sarda ddui funt:
• furriadura in sardu de àutus ufitzialis de vàrias calidadis, de iscritas de dònnia tipu e de totu sa comunicatzioni chi est dereta a sa genti;
• aprontamentu, imprenta e spratzinadura de paperis de cumpilari po su pùblicu ;
• imprenta e spratzinadura in is aministratzionis pùblicas de materiali chi serbit po torrai valori a sa lìngua e a sa cultura sarda;
• atividadis de animatzioni, po informari e fai connòsciri sa lei 482/99 e is atras leis de amparu e de valorizatzioni de sa lìngua locali;
• cuntatu cun is utentis fintzas e cun agiudu telefònicu;
• aprontamentu de materiali chi agiudit a imparai sa lìngua, fatu impari cun is “servìtzius culturalis” de su comunu;
• atòbius cun is dipendentis de s’enti cun s’iscopu de fai crèsciri sa connoscèntzia de sa lìngua e sa capassidadi de dd’umperai ;
• collaboratzioni cun is ufìtzius de is Servìtzius Culturalis.
Po cuntatai is operadoras
e-mail
Questo indirizzo email è protetto dagli spambots. E' necessario abilitare JavaScript per vederlo.
;
Questo indirizzo email è protetto dagli spambots. E' necessario abilitare JavaScript per vederlo.
tel. 0782/802641 (pregontai de s’operadori de sa lìngua sarda)
  Abbisita su Blog de su Sportellu | [Novas de su sportellu, comunicatzionis de is comunus, materiali de iscarrigai e medas atras cosas!] | 0 Kb |
 chiusura sportello per ferie 2014 | [chiusura sportello per ferie 2014] | 132 Kb |
| Oràriu de su Sportellu Lìngua Sarda | [oràrius de traballu de totus is dexi comunus de su Sportellu Subracomunali] | 258 Kb |